Surfleisch

A Schweinshaxn wiad eigsoizn (Heaschtölung vo an Parmaschinkn)

Surfleisch oda Suafleisch nennt ma a Fleisch, des wos duach eisoizn, oiso suan ('suren', 'pökeln'), hoitboa gmocht wuan is. Des Konserviarungsvafoan geht bis auf de Antike zruck. Dazua wiad heit in da Regl a speziös Soiz, s Suasoiz ('Pökelsalz') vawendt, des wos meistns a Mischung aus Kochsoiz und Natrium- bzw. Kaliumnitrit is. Suan kaun ma owa aa mit Kochsoiz alaa, des is zwoa gsinda, owa des Fleisch is daun weniga hoitboa.